Oogiinoo

Бурханы бүтээл утгаар нь хүн бүрийг хайрламаар …


  • Бодож баймаар үг

    Бяр чадлын ундарга тул бодож сэтгэхэд цаг гарга Бага залуу харагдах тул тоглож наадахад цаг гарга Орчлонгийн жам өршөөлгүй тул мөргөж сүслэхэд цаг гарга Оюун ухаан ундаршгүй тул уншиж мэдэхэд цаг гарга Ариун хишиг бурхных тул хайр сэтгэлдээ цаг гарга Аз жаргалын харгуй тул найз нөхөддөө цаг гарга Зүрх сэтгэлийн дуулал тул инээж баясахад цаг гарга Зүдрэх цаг ээлжтэй туд өглөг хишигт цаг гарга Хөлс болгон шагнал тул ажил хөдөлмөрт цаг гарга Хүрэх диваажин нэхэлтэй тул буян хураахад цаг гарга
  • Тэнгэр шиг бай

    ... Ямагт чиний зөв байх албагүй , сайтар тунгаа
    Ярьж хэлэх, хөдлөх бүхнээ өерөө хяна, сэтгэ
    Хүсэл бүхэн биелэх албагүй, чандалж хорь,
    Хүрэхийн эцэсгүй тэнгэр шиг бай, үнэнийг тэмтэр!...

    Гаднаан ямагт бусдаас доорд бай, даруу бай
    Гайхуулах хэрэггүй, дотроон тэнгэр мэт агуу бай!
    Үг яриа хэрэггүй газарт харцаараа өгүүлж сур,
    Үнэн худлыг ялгах аргагүй цагт бурхандаа залбир! ...

  • Бичлэгүүдийг сар бүрээр харах

    March 2008
    M T W T F S S
    « Feb   Apr »
     12
    3456789
    10111213141516
    17181920212223
    24252627282930
    31  
  • Archives

  • Их уншигдсан

  • Тоолуур

    • 50,975 hits
  • online counter
  • Хаанаас

  • БЛОГТ ЗОЧИЛСОНД

Өөрөөсөө, бусдаас уучлал гуйя

Posted by Оогийноо on March 4, 2008

Хэн байх нь хамаагүй хэний ч бай сэтгэлээс урсах эелдэг дулаан зөөлөн үгсээр, хайр халамжаар, урмаар л алив хүн, хүч аван амьдардаг нь үнэнээс үнэн юм гэдгийг энэ долоо хоногт маш их ойлгоод байх шиг. Та саадгүй өөдлөн дэвших карьертай ажилтай, юу хүссэнээ авах мөнгөтэй, өөртөө сэтгэл хангалуун гоо төрхтэй авч эелдэг дулаан зөөлөн үгс, хайр халамж, таньд хандах урам үгүй бол, та байнгийн ганцаардалд автаж, таныг тойрон хүрээлэх бүхэн утгагүй хоосон мэт санагдах болно.
Ням гарагт Яармагт байрлах Бадамлянхуа асрамжийн газарт очсоны дараа энэ бодол маань улам бүр батжиж, хэзээ нэгэн цагт хэн нэгнийг гомдоож байсан бол, улсын төв асрах газраас гараад явж байхдаа тэр газрын удирдлагуудыг буруушаан бодож байсан миний ухар мөчид бодол, хэн нэгний сэтгэлийг хөндөх муу үгс хэлж байсан бол, сэтгэл хөөрөлдөө хэт автан харалган ойлгосон “хотыхон өөрсдөө хи хи хи” бичлэгийг минь уншаад надад гомдсон тэр бүсгүйгээс – бүгдээс нь чин сэтгэлийн угаас уучлал гуймаар санагдаж байна. Санагдаж биш үнэхээр их хүсэж байна. Буруугаа ухаарсан л бол уучлал гуйх хожимдохгүй гэж би бодож байна.

Дармапада буюу Бурханы номонд
“Тэнэг гэдгээ мэдэж байвал
Тэрэнд бас гэгээ байнаа
Харин тэнэгээ мэдэхгүй бол
Харанхуй нүх шиг балар байна”
гэсэн байдаг.
Хожимдож ч гэсэн тэнэг гэдгийг бага ч болов ойлгосон надад гэгээ байнаа гэж өөрийгөө би аргадан цайруулж сууна.
Би асрамжийн газруудаар явсан эцэст, бусдын хийгээгүйг, бусдын санаагүйг санаж үйл хэрэг болгон бусдад буян болж байгаа хэн бүхэнд баярлах, талархах ёстой юм гэдгийг сайтар ухаарч байна. Хүний төлөө хийж байгаа, хүүхдийн төлөө хийж байгаа гэгээн үйлстэн бүрийг шүүмжлэх, муугаар бодох эрх хэнд ч байхгүй мэт. Учир юу гэвээс эцэг эх, төрөл садандаа гологдон гудамжинд гээгдэн бөөсөндөө идэгдэн, хүйтэнд хөлдөж, халуунд гандаж явсан хүүхдүүдийг өөрийн үр мэт хайрлан халамжиндаа авч өндийлгөж, дулаан байр саваар ханган асрамжилаж байгаа бүхэн сайн үйлстэн билээ.
Асрамжийн газраар явахад энийг нь тэгчихгүй, ингээд хийчихгүй, энэ нь буруу байна даа гэхчилэн өөлөн муучлах хомос сэтгэл төрж байх нь цөөнгүй. Гэлээ гэхдээ 120 хүүхэд байтугай нэг айлын таван хүүхдийг ч хүмүүжүүлэн авч явахад ямар хэцүү байдаг билээ дээ гэж бодохоор, өөрөө би юу ч хийгээгүй байж, бусдыг харж муучлан байснаа бодохоор өөрөөсөө үнэхээр ичих шиг болох юм.
Харин түүний оронд асрамжийн ч бай, алив бусдын дутуу бодож, хийж завдахгүй байгаа бүхнийг шоочилохын оронд урам, сэтгэлийн үгсээр гүйцээн нөхөж дэмжин, хийж амжихгүй, хийж хүрэлцэхгүй байгаа бүхнийг хийхэд нь гар сунган туслаж, уруудан байгаа нэгнийг гараас нь өргөн дэмжиж байх нь бусдыг гэх хамгийн дээд өгөөмөр сэтгэл гэдгийг сайтар ухамсарлан ойлгож байна.
Үүнийг уншиж байгаа та ч гэсэн хамгийн ойр сууж байгаа хүндээ яг одоо ганц ч болов урамын үг хэлж, дотны хүмүүсдээ хэлж амжаагүй сайхан үг бүрээ хэлэн чангаас чанга тэврэн үнсээрэй. Сайхан үг хэзээ ч үнэгүйддэггүй юм. Хамгийн хайртай хүмүүсээсээ сайхан, зөөлөн дулаан үгийг битгий харамла, битгий хайрла. Дотны бүхэндээ хэлэх тэр сайхан үг олон давтах бүрт үнэгүйдэхгүй харин ч таны амьдралыг, бусдын амьдралыг харанхуй шөнөөр тусах нарны гэрэл адил гийлгэдэг юм шүү.
Энэ ч утгаараа та гудамжинд явж байхдаа халтар гуйлгачин хүүхдээс цэрвэн бэргэхийн оронд өгөх гэж байгаа зүйлээ зүгээр нэг хоосон нойтон өгөх биш, харин ч яг оносон халуун дулаан үгээр өлгийдөн өгч чадвал тэр хүүгийн амьдралыг бүхэлд нь эргүүлж чадах зүйл хийснээ хожмоо сайтар ухаарах болно.
Тэртэй тэргүй тэднийг нүд үзүүрлэн гоочилох, хамраа даран зугтах, халтар мөнгө холоос шидэн хаях хүн захаас аваад мундахгүй шүү дээ.
Харин та тэр буруу бодолтонуудын дунд гэрэл гийгүүлэгч ухаантан нь байгаарай гэж хүсье.
Энэ сарын 9-ны Ням гарагт завтай бол Уянга бид хоёртой нэгдээд нэг өдрийг халтар бяцхан хүүхдүүдтэй сэтгэлээсээ ярилцаж, салхинд гарахыг хүсэж байна.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: