Oogiinoo

Бурханы бүтээл утгаар нь хүн бүрийг хайрламаар …


  • Бодож баймаар үг

    Бяр чадлын ундарга тул бодож сэтгэхэд цаг гарга Бага залуу харагдах тул тоглож наадахад цаг гарга Орчлонгийн жам өршөөлгүй тул мөргөж сүслэхэд цаг гарга Оюун ухаан ундаршгүй тул уншиж мэдэхэд цаг гарга Ариун хишиг бурхных тул хайр сэтгэлдээ цаг гарга Аз жаргалын харгуй тул найз нөхөддөө цаг гарга Зүрх сэтгэлийн дуулал тул инээж баясахад цаг гарга Зүдрэх цаг ээлжтэй туд өглөг хишигт цаг гарга Хөлс болгон шагнал тул ажил хөдөлмөрт цаг гарга Хүрэх диваажин нэхэлтэй тул буян хураахад цаг гарга
  • Тэнгэр шиг бай

    ... Ямагт чиний зөв байх албагүй , сайтар тунгаа
    Ярьж хэлэх, хөдлөх бүхнээ өерөө хяна, сэтгэ
    Хүсэл бүхэн биелэх албагүй, чандалж хорь,
    Хүрэхийн эцэсгүй тэнгэр шиг бай, үнэнийг тэмтэр!...

    Гаднаан ямагт бусдаас доорд бай, даруу бай
    Гайхуулах хэрэггүй, дотроон тэнгэр мэт агуу бай!
    Үг яриа хэрэггүй газарт харцаараа өгүүлж сур,
    Үнэн худлыг ялгах аргагүй цагт бурхандаа залбир! ...

  • Бичлэгүүдийг сар бүрээр харах

    July 2009
    M T W T F S S
    « Jun   Aug »
     12345
    6789101112
    13141516171819
    20212223242526
    2728293031  
  • Archives

  • Их уншигдсан

  • Тоолуур

    • 50,975 hits
  • online counter
  • Хаанаас

  • БЛОГТ ЗОЧИЛСОНД

Ханийн түшиг

Posted by Оогийноо on July 16, 2009

/Үүний хадмал орчуулгыг доороос уншина уу/

Олон жилийг хамтдаа угтаж үдсэн нэгэн аз жаргалтай хос амьдран суудаг байжээ. Үүлгүй тэнгэрт аадар бороо цутгах шиг эмч нарын хариуцлагагүй хагалгааны улмаас эхнэр нь орчлонг харах нүднээсээ хагацаж гэнэ.
Хөөрхий бүсгүйд харанхуй ертөнцийг гийгүүлэх цорын ганц нар үлдсэн нь нөхөр нь байлаа. Идэр залуу насандаа харах мэлмийгээсээ хагацсанд нөхөр нь шаналан зовж байвч эхнэрээ бие даасан эмэгтэй болж гэнэтийн өөрчлөлтөнд хөл алдуулахгүйн тулд чадах чинээгээрээ дэмжин тусалж байв.

Эхнэрээ хараагүй болсоны дараа ч нөхрийн хайр урьдын адил халуун дулаан байсаар. Эхнэр нь ч нэгэнт ирсэн амьдралдаа аажим аажмаар дасан бие дааж байлаа. Цаг хугацааны аядуу цохилт өршөөлгүй мэт санагдах амьдралын эрчит урсгалыг зөөлрүүлж тэрбээр шинэ амьдралдаа нэгэнт дасаж гэнэ.

Өглөө бүрийн шинэ нарны цацраг тэдний хайрыг улам ихээр гийгүүлэх бүрт урд өмнөхөөсөө илүүтэйгээр хоёр биеэ үнэн сэтгэлээр асран халамжлах болжээ.
Ингээд эхнэр нь хуучин ажлаа хийхээр болж өдөр бүр нөхөр нь автобусаар хамтдаа яван ажилд нь хүргэж өгөөд орой бүр эхнэрээ тосон авдаг болжээ.

Нэг өдөр нөхөр нь
“Эхнээр. Одоо чи бүх зүйлийг өөрөө хийж чадах учраас маргаашнаас ажилдаа ганцаараа явах хэрэгтэй” гэжээ.
Нөхрийнхөө хайр халамжинд эхнэр нь улам ихээр нялхарч бие дааж чадахгүй болох вий гэхдээ энэ шийдвэрийг гаргасан байлаа. Гэсэн хэдий ч тэрбээр энэ бодлоо сэтгэлийн гүндээ нуун хадгалжээ.
Нөхрийнхөө хэлсэн үгийн хариуд сулхан дуугаар “За” гэж хариулсан ч “намайг тэр минь орхих вий” гэсэн нууцхан бодолтойгоо тэмцэн зүрхэндээ сэмээрхэн уйлжээ.
Ингээд маргааш өдрөөс эхлэн цагаан таягаараа хань хийн автобусаар ажилдаа явах болов. Бүсгүй ганцаараа ажилдаа явах болсоор 2 сарыг үджээ.

Гэтэл нэгэн өдөр автобусны жолооч
“Та их азтай бүсгүй юм. Нөхөр тань өдөр болгон таныг дагаж ирээд алсаас таныг ажиглаж, ажилдаа ороход тань алсаас үнсчихээд явдаг шүү дээ” гэж гэнэ.

Энэ үгийг сонсон бүсгүй мэлмэртэл уйлжээ. Тэрбээр энэ хугацаанд ганцаараа явж байна гэж төсөөлөн бүхнийг өөрөө хийх гэж мэрийн байжээ. Цагаан таягаараа замаа тэмтчин явахдаа ялингүй зүйлд тээглэн бүдэрч унаад эргэн босож алхах бүрт нөхөр нь гүйж очиод түшин босгохыг хүсэвч эхнэрээ өөрийгөө ялан хэн нэгнээс хараат биш өөртөө итгэлтэйгээр бүхнийг хийж чадах шинэ амьдралд сургахын тулд түүний үйлдэл бүрийг алсаас хараад хамтдаа бүдэрч, хамтдаа уйлж байсныг эхнэр нь мэджээ.

Нарт хорвоогийн тоос хөдөлгөх хүмүүний амьдралын зурвасхан хугацаанд дуусашгүй үнэнч хайр халамжаар биенээ дулаацуулан түшиж тулах ханьсахын жаргал гэж энэ буй.
Солонгос хэлнээс орчуулав.

2 Responses to “Ханийн түшиг”

  1. kofuku said

    за эхлээд би хадмалын уншилгүй үзлэээ..мэдээж ойлгож сонсолоо…харин хадмалыг нь уншаад үнэхээр сайн орчуулжээ…найруулага үгийн сонголт сайтай юмаа…

  2. gereltyortonts said

    Anonymous said…
    Yostoi saihan, yum bodogdmoor uguulleg baina. Saihan ch orchuulsan bainaa Amjilt husiye
    July 16, 2009 4:01 AM

    Blogger altargana said…
    өө би урдах бичлэгэнд нь сэтгэгдэл биччихсэн байна, байхгүй болохоор нь гайхлаа ш дээ. Тэндээс уншаарай
    July 18, 2009 9:39 PM

    Erhtsas said…
    Бодол, ухаарал, хайрлахуй бэлэглэсэн сайхан бүтээл юм. Бүсгүйтэй хамт бараг л уйлах шахав. Хаа нэгтээ хэн нэгэнд харанхуй амьдрал ирсэн ч гэрэлтүүлэх гэгээ болох яг л ийм сайхан хүн дэргэд нь байгаа, амьдрал баялаг юмаа. Баярлалаа хөөрхөн бүсгүй минь.
    July 21, 2009 1:54 AM

    Tsoomii said…
    chamaig orchuulgiig ni oruulahaas umnu bi blogoos chini uzsen , durseer ni 80 huvi oilgoson bna sh dee, uneheer setgel hudulluu.
    July 22, 2009 3:08 AM

    Blogger ganga said…
    Хараатай бие биенээ хараад байгаа атлаа хайрлаж чаддаггүй золгүй улсыг алийг тэр гэхэв. Сайхан өгүүллэг байнаа, чи сайхан ч орчуулж.
    July 27, 2009 11:56 AM

    SUNshine said…
    Ямар сэтгэл хөдөлмөөр юм бээ, ийм гое өгүүлэг орчуулсанд баярлалаа. Хичээл сурлагад нь өндөр амжилт хүсье Оогийноо🙂
    July 29, 2009 9:22 PM

    XaPXyH said…
    wow
    nice one!
    July 29, 2009 9:35 PM

    barbie said…
    Үнэхээр гоё бичлэг байна. Маш сайхан санагдлаа.
    July 29, 2009 9:42 PM

    Blogger itsme said…
    ямар гоё өгүүллэг вэ… нээрээ л харсаар атлаа хайрлаж чаддаггүй хүмүүс олон л байдаг байх даа
    July 29, 2009 9:44 PM

    anime said…
    wow
    July 29, 2009 11:04 PM

    Blogger Oogii said…
    Алтаргана: хэхэ тиймээ баярлалаа би олоод уншчихсан байсын.
    Эрхцас: нээрээ амьдрал баян шүү. Баярлалаа цагаахан цасханаа
    Цоомоо: Баярлалаа найз минь.
    Ганга эгчид: Та яг голыг нь олж хэллээ шүү.
    Саншайн: тиймээ сэтгэл хөдөлмөөр сайхан өгүүллэг. богинохоон хэрнээ их гоё сургамжтай.
    Ицми: Баярлалаа. Чиний блог их таалагддаг шүү.
    Анимэ, Барби, Хархун: Сэтгэгдэл үлдээсэнд баярлалаа
    July 30, 2009 1:19 AM

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: